Int biss... Kliem: Fr Karm Debattista mssp Mużika: Karm Debattista mssp Għal darb’oħra hawn jien, ma għandi ’l ħadd imkien Lilek ġejt insib, fik biss sibt ħabib Lilek għandi bżonn, qribek lili żomm Jekk kulħadd imur, inti tibqa’ żgur Int biss... lili tmiss u qalbi tfiq Int biss... tiġi spiss turini t-triq Int biss... lili tmiss u ħajti ddur Int biss... tiġi fis u qalbi tfur Għal darb’oħra hawn jien, inħossni tant għajjien Ħadd ma jgħini jrid, naf li inti trid Nibqa’ niġi ħdejk, inressaq talbi lejk Bħalek m’hawnx Mulej, daqsek ħadd u xejn Int biss...
Għax naf li int ħanin ma kull min jafda fik Naf li int lil ħadd qatt ma ċħadt li jgħix għalik Int wgħedt li timla b’ferħ, tagħti serħ lil min irid Li jilqgħek f’qalbu llum bħala Sid Għal darb’oħra hawn jien, ma għandi ’l ħadd imkien Lilek ġejt insib, fik biss sibt ħabib Nibqa’ niġi ħdejk, inressaq talbi lejk Bħalek m’hawnx Mulej, daqsek ħadd u xejn Int biss...
Tifħir Kliem: Fr Karm Debattista mssp Mużika: Karm Debattista mssp Ngħannu għanja lill-Mulej Ejjew ilkoll flimkien lil Alla nagħtu ġieħ Glorja nroddu lill-Mulej Bil-kant ngħollu ’l-Feddej bit-tifħir tagħna lejh ħalli ’l qalbek timtela bil-ferħ li hu jagħtik Għanja ġdida mis-sema, hena jnissel fik Erġa’ għanni minn qalbek faħħar isem il-Mulej Offri dejjem f’talbek glorja lill-Feddej Ngħannu għanja... Erfa’ leħnek b’tifħiru, ħa jagħrfu l-bnedmin Kemm hu qawwi f’għemilu mal-fqar u d-dgħajfin Għanni magħna din l-għanja, lilu sebbaħ b’kull ġieħ Inkantaw għalenija, tama hemm biss fih Ngħannu għanja...
Int u Jien Kliem: Fr Karm Debattista mssp Mużika: Karm Debattista mssp Isma’ leħni waqt li nressaq talbi lejk Għalkemm dalma hemm madwari nasal ħdejk Int minn dejjem blata tiegħi, la tkunx illum trux miegħi Tibqax sieket għall-krib tiegħi merfugħ lejk Poplu mweġġa’, poplu mjassar fik jistkenn Isma’ talbu, isma’ kribu f’dan il-hemm Fik ifittex li jistrieħ għax f’wegħdietek emmen sħiħ Kun int dejjem bħall-imgħoddi blat ta’ kenn Iżd’int smajt il-leħen tiegħi, O Mulej U lid-dieq u l-għali tiegħi ġibt fix-xej’ Fik nittama Alla tiegħi, ħu f’idejk id-destin tiegħi Ħa tkun dejjem il-kenn tiegħi għal li ġej Kemm hi kbira dik tjubitek għal kull min Juri li fik biss jintelqu l-bnedmin Lilhom tagħraf b’ulied tiegħek, jidħlu ħdejk fit-tinda miegħek Jilmħu l-ġmiel u l-kobor tiegħek, għal kull ħin Alla tiegħi int minn dejjem u għal kull żmien Jiġri x’jiġri, naf li nsibek kullimkien Tifraħ qalbi fi tjubitek u tithenna fi sbuħitek Magħqudin fl-Ispirtu tiegħek, Int u jien Iżd’int smajt...
Fuq Kollox Kliem: Fr Karm Debattista mssp Mużika: Karm Debattista mssp Fik stkennet il-qalb tiegħi Fil-qawwa ta’ dirgħajk, fid-dell ta’ ġwenħajk Insejjaħ ’l Alla l-għoli Mis-smewwiet jibgħat jeħlisni, bi tjubitu jlibbisni Ħa nfaħħrek fost il-ġnus kollha Din l-għanja ngħannilek u nfaħħar tjubitek ’L fuq mis-sħab il-ħniena tiegħek Din l-għanja ngħollilek b’tifħir għal għemilek Fuq kollox ogħla, ja Alla Jiddi sebħek għal kull żmien fuq l-art kollha Fuq kollox Ismek, O Alla Jiddi ġmielek għal kull żmien lill-bnedmin kollha Fuq kollox - ogħla, ja Alla Fuq kollox - sebħek, O Alla Fuq kollox - ismek, O Alla Fuq kollox - ġmielek, O Alla Firxuli xibka għal riġlejja Poġġew nasba għalija u huma nqabdu fiha Ħaffruli ħofra quddiemi Kien hu li henn għalija u huma waqgħu fiha Ħa nfaħħrek fost il-gnus kollha Din l-għanja ngħannilek u nfaħħar tjubitek ’L fuq mis-sħab il-ħniena tiegħek Din l-għanja ngħollilek b’tifħir għal għemilek Fuq kollox ogħla ja Alla Fuq kollox - Int tgħix għal dejjem, O Mulej Fuq kollox - Int setgħani, O Feddej Fuq kollox - Saltnatek tibqa’ għal kull żmien Fuq kollox - Jissebbaħ ismek fil-ħolqien Fuq kollox - Ogħla, ja Alla wisq setgħan Fuq kollox - Tal-ħolqien kollu int sultan Fuq kollox - Għalik il-glorja u t-tifħir Fuq kollox - Għax int minn dejjem Alla kbir
Mar-Ragħaj Tiegħi Kliem: Fr Karm Debattista mssp Mużika: Karm Debattista mssp Mar-ragħaj tiegħi xejn ma jonqos Qalbi l-għaxqa ssib fih F’mergħat ħodor spiss jeħodni Hemm ħdejn l-ilma biex nistrieħ Dejjem hemm biswit biex jgħinni ‘Mqar jekk nimxi f’wied mudlam Ma nibżax għax hu qrib tiegħi Nafda fih għax hu setgħan Mar-ragħaj tiegħi xejn ma jonqos Qalbi l-għaxqa ssib fih F’mergħat ħodor spiss jeħodni Hemm ħdejn l-ilma biex nistrieħ Mejda lesta hemm quddiemi Wiċċ il-għadu ħammar nar Rasi dilek b’żejt ifewwaħ Mimli l-kalċi sew sax-xfar Mar-ragħaj tiegħi xejn ma jonqos Qalbi l-għaxqa ssib fih F’mergħat ħodor spiss jeħodni Hemm ħdejn l-ilma biex nistrieħ Miegħi timxi t-tjubija U l-ħniena mis-smewwiet Ngħammar miegħu fid-dar tiegħu Sa ma jtulu ż-żminijiet Mar-ragħaj tiegħi xejn ma jonqos Qalbi l-għaxqa ssib fih F’mergħat ħodor spiss jeħodni Hemm ħdejn l-ilma biex nistrieħ
Ħallini nkun Missier Kliem: Fr Karm Debattista mssp Mużika: Karm Debattista mssp Jekk imweġġa’ u għajjien, af li miegħek hawn jien Ħallini nkun għalik Missier Meta vojt fik issib wara jum fit-taħbit Ħallini nkun għalik Missier Qatt m’int waħdek, nibqa’ miegħek Ħallini nkun għalik Missier. Meta qalbek imtaqqla, ħadd ma jurik ftit imħabba Ħallini nkun għalik Missier Jekk tixtieq issib min miegħek jibqa’ kull ħin Ħallini nkun għalik Missier Qatt m’int waħdek, nibqa’ miegħek Ħallini nkun għalik Missier Nibqa’ nfittxek sa ma nsibek Dejjem għalik inkun Missier B’ibni nżommok għax inħobbok Dejjem se nkun għalik Missier Jekk minn miegħi titbiegħed, f’qalbek alla ieħor tqiegħed Jien nibqa’ nkun għalik Missier Jekk tiċħadni kuljum u hekk ‘l bogħod minni tkun Jekk nibqa’ nkun għalik Missier Nibqa’ nfittxek sa ma nsibek Dejjem għalik inkun Missier B’ibni nżommok għax inħobbok Dejjem se nkun għalik Missier Dejjem għalik inkun Missier Ħallini nkun għalik Missier
Ħolma Kliem: Fr Karm Debattista mssp Mużika: Karm Debattista mssp Dinja bla firdiet il-ħolma tiegħi Fejn kulħadd igħix flimkien, id f’id miegħi Fl-imħabba msaħħin, qalb waħda magħqudin Mexjin ilkoll fis-sliem fil-ħolma miegħi Familja waħda ssib fil-ħolma tiegħi Hemm aħwa biss henjin imdawrin miegħi Fl-imħabba msaħħin, qalb waħda magħqudin Mexjin ilkoll fis-sliem fil-ħolma miegħi Jum ġdid jisbaħ qrib fuq il-popli ta’ din l-art Bħal katina magħqudin, f’art ġdida tnibbet ward M'hemmx mibegħda, m'hemmx inkwiet M'hemmx razza, m'hemmx firdiet Jum ġdid jisbaħ qrib fuq din l-art M'hemmx aktar fqir, batut fil-ħolma tiegħi Fil-ferħ jaqsmu kull ġid, miegħek u miegħi Fl-imħabba msaħħin, qalb waħda magħqudin Mexjin ilkoll fis-sliem fil-ħolma miegħi
Bla mħabba Għalxejn Kliem: Fr Karm Debattista mssp Mużika: Karm Debattista mssp Ma taqtax qalbha... l-imħabba, taf tistabar u tħenn M’hijiex għajjura... ma żżommx f’qalbha il-hemm Dejjem hemm...l-imħabba, ma titkabbarx Biha nnifisha... tara li ma tintefaħx Kieku kelli d-doni kollha bla mħabba m’jien xejn X’jiswa nqassam ġidi kollu bla mħabba għalxejn Jekk nitkellem b’ilsna ġodda bla mħabba m’jien xejn Naf kull għerf u kull misteru bla mħabba għalxejn Ma żżommx f’qalbha... l-imħabba ma tinkorla għal ħadd Bil-verità... tifraħ ma’ kulħadd Kollox tagħder... l-imħabba fiha hemm twemmin Hekk tittama...tissaporti kull ħin Jispiċċa kollox... jgħibu s-sema u l-art l-imħabba ma tintemm qatt Hi t-triq għalina... l-imħabba, għalija u għalik Tneħhi kull biża’ fija u fik L-għejxien tagħna... l-imħabba, għaliha msejħin M’hemmx triq oħra għalina l-bnedmin
Rosa Mystica Kliem: Fr Pierre Bonniċi mssp Mużika: Fr Karm Debattista mssp Nilmħek biss minn xfar għajnejja, Nilmħek biss minn xfar għajnejja, Ħiemda, siekta, miexja ħdejja. Min hija din li riesqa Bħalma jersaq iż-żerniq ta’ filgħodu, Sabiħa bħall-qamar, tiddi bħax-xemx Bil-grazzja ta’ l-Għoli mimlija? Meta l-frugħa f’qalbi tfawwar, Meta l-frugħa f’qalbi tfawwar, Lura lejH int ħarsti ddawwar. Tul il-vjaġġ m’hemmx triq, mogħdija, Tul il-vjaġġ m’hemmx triq, mogħdija, Kewkba fissa int għalija. Min hija... Fit-tiġrib bqajt dejjem sħiħa, Fit-tiġrib bqajt dejjem sħiħa, Sliem Sultana! Sliem, Rebbieħa
Ħadd ma Jħobbok Bħali Kliem: Fr Karm Debattista mssp Mużika: Karm Debattista mssp Kemm stennejt dan il-mument Tiġi tiftaħ qalbek miegħi Kemm stennejt li ssib ftit ħin Li tiġi dduq l-imħabba tiegħi Minni ħrabt u minni nħbejt Imma naf kemm int sofrejt Sewwa, sew minn xiex għaddejt U f’ħajtek kemm batejt Għax naf li ħadd ma jħobbok bħali Le, ħadd ma jħobbok bħali Jien is-salib għażilt biex flokok nagħti ħajti Le, ħadd ma jħobbok daqsi Naf sew dak li int trid tgħid Għalkemm qatt ma tkellimt miegħi Naf sew dak li qalbek tħoss Għalkemm qatt ma qsamt xejn miegħi Fi tfixkil dejjem kont ħdejk Jien miegħek hemm imxejt Sa rfajtek minn idejk Meta għal kollox kont għajjejt Għax naf li ħadd ma jħobbok daqsi Le, ħadd ma jħobbok daqsi Hemm fis-salib għalik il-prova għandi Kemm ħadd ma jħobbok bħali Jien miegħek ser inkun, ikun xi jkun li jiġri f’ħajtek Għal dejjem nibqa’ nkun qawwa għalik - go qalbek. Għax ħadd ma jħobbok bħali Le, ħadd ma jħobbok bħali Fis-salib għalik il-prova għandi Kemm ħadd ma jħobbok bħali Għax ħadd ma jħobbok daqsi Le, ħadd ma jħobbok daqsi Jien is-salib għażilt biex flokok nagħti ħajti Le ħadd ma jħobbok daqsi Jien miegħek nibqa’ nkun - f’imħabbti
Xewqa Kliem: Fr Karm Debattista mssp Mużika: Fr Karm Debattista mssp Hemm xewqa taħraq fija Bħal f’jum sajfi hemm għatx kbir Titlob minni nitlaq kollox Tistedinni naħseb fik Fik nistrieħ, meta jien miegħek Meta ħarsti nitfa’ lejk Tħalli fija xewqa kbira Li għal dejjem nibqa’ ħdejk Xewqa li niltaqa’ miegħek, li nkun ħdejk u noqgħod miegħek Li narak għall-ewwel darba fil-preżenza vera tiegħek Xewqa kbira għandi f’qalbi, nara ’l wiċċek kollu dija Nifhem dak li int għalija, nagħraf dak li għamilt fija O Mulej! Sa minn issa ferħ dewwaqtni Għalkemm hawn fil-wied tad-dmugħ Ferħ li l-bniedem qatt ma jifhem Jekk mhux għax minnek ġie mitbuħ Kemm nistenna l-jum jiġi Meta għal dejjem nibqa’ miegħek Nitlaq kollox hawn warajja Ma rrid xejn ħlief li nkun tiegħek Din xewqa taħraq fija
Ħniena mhux sagrifiċċju Mużika: Karm Debattista mssp Kliem: Pierre Bonniċi mssp Katarin, sħaba sewda ara sejra nkiss, inkiss Sejra tgħaġġel, sejra tgħaġġel għall-quddies Tisma’ tas-sitta u tas-sebgħa tat-tmienja u ta’ l-għaxra Ġewwa l-knisja nofs ta’ nhar Katarin ma tafx b’maħfra, wiċċha mqarras, kliemha strett Pronta, pronta malajr tasal għall-verdett Sewwa r-raġel, sewwa uliedha, il-ġirien, l-għasfur u l-kelb jieħdu qatgħa x’ħin jarawha lura d-dar Int li tgħid li ’l Alla tħobb, int li tgħid li f’kelmtu tfittxu Kif inhi li qatt ma qrajt li dal-kliem int qatt ma smajt: "Ħniena rrid mhux sagrifiċċju! Ħniena rrid mhux sagrifiċċju!" Dun Gwakkin, djarju aħdar Kollu dati mimlijin Kemm hu bieżel, kemm hu mħabbat, m’għandux hin Taraħ hemm għal kull funzjoni, għal kull laqgħa, okkażjoni Fir-rinġiela ta’ quddiem Dun Ġwakkin, kollox bil-qies Kollox maħsub u bla difett Qed jipprova, qed jipprova jkun perfett Miskin, tilef kull viżjoni Sentiment u emozzjoni Mingħalih li l-mewt ta’ ħajtu paċi u sliem Int li tgħid... Is-Sur Franġisk, ma ssibx bħalu Kemm hu serju, dedikat Fil-parroċċa ismu ssib f’kull kumitat Minn ta’ l-ewwel għal kull ġabra Sewwa sew kif tiġi mħabbra Tassew bniedem ġeneruż Is-Sur Franġisk, bniedem ieħor Ġo l-uffiċċju mhux bħad-dar Ħarstu kiesħa, qalbu iebsa bħall-azzar Għaliex hemm jaqdi sid ieħor Hemm biegħ ruħu lil ħaddieħor Alla tiegħu hemm il-flus