Ma mmur imkien

Int biddiltli d-dinja tiegħi
Meta għażilt li tkun hawn miegħi
Fija tfajt ġibda għalik
F’kull ma nagħmel nafda fik

Ma rrid immur imkien
Jekk ma nafx li int u jien ser nibqgħu flimkien
Għax mingħajrek jien xejn ma jien,
Inħossni imfarrak u għajjien

Ma jkun hemm ebda żmien
Fejn int u jien nitbiegħdu minn xulxin
Warajk nimxi jien, dejjem bik quddiem
Se ssibni kullimkien

Jiġri, x’jiġri, nibqa’ miegħek
Nimxi dejjem hemm qrib tiegħek
Ma nitilqek qatt u qatt
Naf li miegħek qalbi rbatt

Is-sens ta’ ħajti sibtu fik
Nagħmel x’nagħmel, ngħix għalik