Int tafni

Int tafni…
Taf meta noqgħod u nqum
Taf eżatt fejn inkun
Tafni l-bieraħ, illum
Int tafni.

Tagħrafni…
Tagħraf kull kelma li ngħid
Minkejja li nkun inħbejt
tħaddanni int dawramejt
Tagħrafni.

Għemili raw għajnejk
Iffissajt fija
Tal-għaġeb xogħol idejk
Tqal għalija

Għarrbilni… agħraf qalbi
Iflini… kun af ħsiebi
Dawramejt int ħaddanni
Qiegħed idejk fuqi.

Issibni…
Jekk nitla’ fis-smewwiet
Jekk jaqbduni d-dlamijiet
Ngħammar hemm fi truf l-ibħriet
Issibni.

Int rajtni
F’ġuf ommi tal-għaġeb sawwartni
Fil-moħbi fis-satra għamiltni
Fil-qiegħ tal-art int insiġtni
Int rajtni

Għemili raw għajnejk
Iffissajt fija
Tal-għaġeb xogħol idejk
Tqal għalija

Għarrbilni… agħraf qalbi
Iflini… kun af ħsiebi
Dawramejt int ħaddanni
Idek qiegħdli fuqi.