Ħelsien Kliem: Fr Pierre Bonniċi & Fr Karm Debattista mssp Mużika: Fr Karm Debattista mssp Minn prinċep tas-sema ċċekken u sar Għalik u għalija bħall-agħar fost il-fqar Għax rana mitlufa fid-dnub u fl-imrar Sar bniedem, sar bħalna, tarbija ġo għar Il-fidwa ġa ġiet f’dal-lejl tal-Milied It-tifel li twieled ġabilna l-ħelsien. Għalkemm minn dil-grajja għaddew bosta snin Iżd’aħna ferħana ninġabru flimkien Tarbija turina li Alla ħanin Mill-mewt lili u lilek kisbilna l-ħelsien Il-Fidwa ġa ġiet f’dal-lejl tal-Milied It-tifel li twieled ġabilna l-ħelsien. Iżda nara madwari min fl-agħar dlamijiet Mifluġ u mtaqqal taħt piż il-ħtijiet Tgħid sema’ bil-bxara tal-lejl tal-Milied? Li Alla ħelisna - li l-fidwa ġa ġiet? Il-Fidwa ġa ġiet f’dal-lejl tal-Milied It-tifel li twieled ġabilna l-ħelsien
Milied Kuljum Kliem: Fr Karm Debattista mssp Mużika: Fr Karm Debattista mssp Qed nisma’ d-daqq tal-qniepen iħabbru l-Milied Iwasslu l-ferħ f’lejl xitwi, it-tokki jiksru s-skiet Qed nisma’ kant ferrieħi - ilħna żgħar tat-tfal Inisslu l-ferħ fit-toroq imżejna u kollha dwal Għaliex hu tant diffiċli li jkun hekk kuljum? Għax għada l-gwerra tkompli wara l-waqfa tal-lum? Għax jekk kull jum li jgħaddi ikun bħal tal-Milied Id-dinja tkun ferm isbaħ, bla biża’, mingħajr ġlied Qed nisma’ tfajjel ċkejken jibki fl-għar bil-lej’ Il-wasla tiegħu tħabbar il-fidwa tal-Mulej Qed nisma’ kor ta’ anġli jħabbru fis-smewwiet Glorja lil Alla jgħannu, is-sliem lill-artijiet Il-paċi li int wegħedtna meta ser tigi fl-art? Għaliex il-qalb tant iebsa, ma trid li iċċedi qatt! Milied kuljum... jum wara jum
L-ewwel Milied Kliem: Fr Pierre Bonniċi mssp Mużika: Fr Karm Debattista mssp Fil-kesħa tax-xitwa fid-dalma tal-lejla Stennejna ħerqana s-sebħ ta' jum ġdid Dawl f'daqqa idda isbaħ mill-kwiekeb Kant fl-għoli ħabbar l-ewwel Milied Mal-għana tal-anġli smajna tarbija Tfajjel qed jibki sibna ġo għar Rajna ta' Alla l-ħniena, l-imħabba Ġie biex jifdina fqir fost il-fqar Qalulna nitilqu kollox warajna Immorru fejn twieled prinċep feddej Mhux fil-palazzi tas-slaten setagħna Iżda fil-moħbi, fil-ħemda tal-lejl Kulħadd kien jistenna l-Mulej mis-sħab jinżel Bis-sebħ u l-glorja qawwi gwerrier Rajna kemm akbar hi s-setgħa ta' Alla Ġie biex jifdina, ċkejken u fqir
L-Innoċenti Kliem: Fr Pierre Bonniċi mssp Mużika: Fr Karm Debattista mssp Tkellem int għalija, Ċkejkna Tarbija, Tkellem int għalija llum Forsi jasal dak il-jum U mir-raqda d-dinja tqum Tisma’ it-tnehida ta’ Rakel tibki 'l uliedha Ta’ Rakel tibki 'l uliedħa Tkellem int għalija Ċkejkna Tarbija Jien xejn iktar ma nista’ Numru ieħor fil-lista Għex ftit xhur u miet bil-guħ Ħaffru ħofra u difnuh Anġli, daqq u innijiet Bħali jmutu bil-mijiet Tkellem int għalija Ċkejkna Tarbija Fit-triq waħdi minsija Użata u mormija It-turisti jixxalaw Bi ftit liri ġismi xtraw Bozoz, stilel, Ċhristmas trees, Bint il-fqir tinbiegħ bl-irħis Tkellem int għalija ĊkejknaTarbija Jien il-lejla ħawn armat Ħdax-il sena ġa suldat Qalb il-balal u l-kanuni Noqtol jien jew joqtluni Xorb u ħelu u tiżjin Flok rigali, l-azzarin Osanna lil Bin David Imbierek dak li ġej Minn kull Erodi d-dinja Ġej jeħles il-Feddej Ismagħha t-talba tagħna L-għajta tagħna, O Mulej Il-ħajja, il-mewt tagħna Tħallix li tkun għalxej’
Isbaħ minn Dawn Kliem: Fr Pierre Bonniċi mssp Mużika: Fr Karm Debattista mssp Kemm kienu sbieħ il-kwiekeb dik il-lejla Xita ta' ġawar jimla' s-smewwiet Riedu bid-dija juru 'l kulħadd Fejn twieled ir-re tar-rejiet Kemm kienu sbieħ l-ilħna tal-anġli Kisru bil-għana l-ħemda tal-lejl Glorja fis-sema paċi fuq l-art Iħabbru t-twelid tal-Mulej Iżd' isbaħ minn dawn l-imħabba li xtegħlet fl-għajnejn u fil-qlub Ta' dawk li raw tfajjel ġo għar li ġie biex jeħlisna mid-dnub Kemm huma sbieħ id-dwal li ta' kull sena Jiddu u jżejnu t-toroq fl-ibliet Juru lil ħlejjaq bid-dija u l-ilwien Il-ferħ ta' kulħadd fil-Milied Kemm huma sbieħ l-ilħna ferrieħa Jimlew bil-għana lejla ta' bard Jerġgħu bħall-anġli iħabbru bil-ferħ Paċi 'l-bnedmin ħawn fuq l-art Iżd' isbaħ minn dawn l-imħabba li tixgħel fl-għajnejn u fil-qlub Min jilqa' llum tfajjel ġo għar li ġie biex jeħlisna mid-dnub Wisq isbaħ minn dawn
Jum Kbir għal Betlehem Kliem: Pierre Bonniċi mssp Mużika: Karm Debattista mssp Jum kbir għal Betlehem Jum kbir għal Betlehem Jum kbir għal Betlehem Għax twieled ċkejken bambin Din l-akbar storja li qatt ġrat li nħabbru fil-Milied Kif tnejn li waslu f’Betlehem fil-kesħa u fis-sried Il-mara għajjiena, r-raġel fqir, iħabbtu l-bibien Il-ħajja ġdida ġa fil-qrib 'ma post ma hemm imkien Fittxew u tħabtu t-tnejn għal post fil-belt mimlija nies Post wieħed baqa’ f’Betlehem, għad baqa’ wieħed biss Maxtura ċkejkna, għoġol, hmar man-nagħaġ u l-mogħoż ġo għar Hemm ġewwa stalla strieħu ftit ma sabu mkien aħjar Hekk tard bil-lejl fil-bard u l-ksieħ qalb tiben u ftit xgħir Ġo post imwarrab minn kulħadd tweldilhom iben żgħir L-anġli kantaw “Glorja u sliem lill-iben naduraw Il-paċi reġgħet ġiet fuq l-art, Osanna inkantaw.”
Armonija Kliem: Fr Pierre Bonniċi mssp Mużika: Fr Karm Debattista & Fr Pierre Bonniċi mssp Arah fil-bard qalil tal-lejl jistenna Ifittex post 'il bogħod mid-dlam u l-ksieħ Kulfejn iħabbat m'hemmx ħlief djar mimlija Il-qalb tal-bniedem qisha nsiet kif tħenn Arah għaddej mit-triq bid-dwal imżejna Presepji u pasturi hemm f'kull dar Minn ġewwa ħiereġ kant u daqq ferrieħi 'Ma dawl u daqq għalih ma jfisser xejn Ma jridx jisma' l-kant sabiħ ta' l-anġli Ma jridx l-istilla ssebbaħ b'dawlha l-lejl Irid igħix qalb nies igħixu f'armonija Irid isib li qalbek taf tħobb Irid isib li qalbek taf tħobb Il-ksieħ li llum iħoss mhux ksieħ ix-xitwa Id-dlam li hemm madwaru mhux tal-lejl Il-ksieħ li ġej minn qlub kiesħa rħama Id-dlam, nuqqas ta' dawl minħabba d-dnub Tibżax, ħallih jistkenn mill-bard f'qiegħ qalbek Kebbislu ħalli jisħon f'qalbek nar Ħa jiddi sakemm jisboq dawl il-kwiekeb Mal-bnedmin ħutek għanni paċi fl-art
Tul il-lejl Kliem: Fr Pierre Bonniċi mssp Mużika: Fr Karm Debattista mssp Tul il-lejl ir-ragħajja ġrew Omm u tfajjel f’għar fittxew Hekk ġie mħabbar f’nofs ta’ lejl Illi twieled tfajjel żgħir Dija kbira kullimkien Bħalha qatt ma raw imkien Ilħna semgħu mis-smewwiet Kissru b’kant sabiħ il-kwiet Għal dak li ġie ħawn fl-art Li ħabbna u bniedem sar L-Iben divin li mwiegħed kien Mill-ewwel żminijiet Waslu fl-aħħar ġo għar fqir Tawh rigali u tifħir Ragħajja msejkna, mhux mgħallmin Tgħid intebbħu dan min kien? Dan dak li ġie hawn fl-art Li ħabbna u bniedem sar L-Iben divin li mwiegħed kien Mill-ewwel żminijiet Glorja 'l Alla fis-smewwiet Is-sliem tiegħu fl-artijiet Ħabbru anġli fl-art mill-ġdid Li daċ-ċkejken hu s-Sid Lil dak li ġie hawn fl-art Li ħabbna u bniedem sar L-Iben divin li mwiegħed kien Mill-ewwel żminijiet
Għaż-żgħar Biss Kliem: Fr Pierre Bonniċi Mużika: Fr Karm Debattista F’din il-lejla l-qalb tithenna Noti safja jiksru s-skiet Isma’ l-innu ġej mill-ġenna Glorja fl-għoli tas-smewwiet Art u sema t-tnejn flimkien Paċi jħabbru lill-bnedmin Ħa ninġabru kif imiss Din il-lejla lkoll flimkien Lesta l-festa għaż-żgħar biss l-ikbar, l-ewwel iċ-ċkejknin Erġa' ħoss ġo ruħek tfur Dik is-safa li ħallejt Erħi 'l qalbek terġa' ddur Għat-tfulija li nsejt Ġewwa t-toroq dawl fiddien Bħal tal-kwiekeb f'dak il-lejl Qlubna mkebbsa, imħeġġin Jiddu b’ferħ, ġej il-Mulej
Mal-Kant ta’ l-Anġli Kliem: Fr Karm Debattista mssp Mużika: Fr Karm Debattista mssp Twieled ġewwa stalla fil-kesħa ta’ bil-lejl Bejn il-baqra u l-hmara hemm l-Iben tal-Mulej Fuq l-istalla ċkejkna hemm stilla b’dawl fiddien U ġewwa hemm Marija, b’Ġużeppi tant ħosbien Kanta li dat-tfajjel, Ġesù ċkejken bambin Mogħti llum għalina, hu sinjal li Alla ħanin Rigal mis-sema nieżel għalina l-bnedmin Ħallih lil qalbek jisraq, ċkejken Ġesù bambin Ma’ ġenbhom hemm ir-ragħajja, ħallewhom il-merħliet Meta dehrulhom anġli li kisru b’kant is-skiet Dlonk ġrew fejn sabu t-tifel, niżlu biex jadurawh Li kellhom ħaduh magħhom, b’rigali lilu tawh Kanta ma’ l-anġli... kanta
Xewqat Sbieħ Kliem: Fr Karm Debattista mssp Mużika: Fr Karm Debattista mssp Dan hu żmien ta’ ferħ li f’qalbna hemm Għax twieled il-ħallieq Dan hu żmien ta’ paċi u hena Li jġibilna l-Milied Ejjew ngħaddu dan l-awgurju Ejjew naqsmu l-ferħ flimkien Ferħ li ġej għax Alla twieled Biex ġabilna l-Ħelsien Waqt li naqbdu lkoll id f’id nixtiqulkom barka u ġid Magħkom dejjem għal kull żmien B’mod speċjali f’dawn il-jiem Xewqat sbieħ għal dal-Milied Mimli paċi mis-smewwiet Tfawwar qalbkom b’kull ma trid Hena u barka, sliem u ġid Jiem tant sbieħ fejn nirbħu l-firda Mill-mibegħda meħlusin Jiem tant sbieħ fejn l-għaqda ssaltan Ħawn madwar ċkejken bambin Ninsew dak illi jifridna Dejjem nersqu lejn xulxin Id f’id nimxu t-triq kollha F’imħabbitna magħqudin Jekk tisma’ għaddej, kant ta’ l-anġli ġej Kun af li l-Mulej bagħtilna l-feddej Jalla dan is-sliem li jfawwar f’dal-jiem F’qalbkom għal kull żmien, għal dejjem bla tmiem
Tħares lejh Marija Kliem: Fr Karm Debattista mssp Mużika: Fr Karm Debattista mssp Tħares lejh Marija, ċkejken hekk tarbija 'L Alla ma tarax, tifhem ma tistax Tista' biss tiftakar dak li l-anġlu ħabbar Iben Alla hu u ssemmih Ġesù Kif nista' nkun Omm Alla Jien? F'moħħha jidwu dawn il-kliem Kif jista' qatt Alla setgħan Isir tarbija, tfajjel daħqan? Kif nista' nkun Omm Alla jien? F'moħħha spiss jidwu dawn il-kliem Kif nista' nrabbi lill-Mulej Iben Alla u Feddej? Issa hemm f'idejħa, tressqu lejn ħaddejha Rieqed kemm hu kwiet, taħseb hemm fis-skiet Magħluqin għajnejh, tant ċkejknin idejh Bihom x'għad isir minn dat-tfajjel fqir Taħseb fuq kliem Xmun, ħellies ser ikun Sebħ għal Israel , dawl għall-ġnus jinxtegħel Tiġrif u qawmien, sinjal għal kull żmien Jikxef ħafna qlub... lilħa sejf minfud